支嚳儀被媽咪提醒娛樂圈浮沉不定 努力經營事業望今年加拿大開分店

歌手支譽儀（Venus）日前接受電台節目，佢參加《中年好聲音》而入行，佢本身喺香港開設烘焙店，並於馬來西亞及菲律賓設有分店，Venus希望今年可以喺加拿大開分店。

支譽儀參加《中年好聲音》而入行，早前推出新歌《Gotta Try》。

Venus喺好友王灝兒（JW）鼓勵參加《中年好聲音》：「有次同佢食飯，我話《聲夢傳奇》真係傳奇，佢突然攞個手機畀我睇，裡面有張《中年好聲音》海報，我話會唔會係嗰啲師奶大變身搞笑節目？佢叫我自己報名，我就由零開始，一步一步入咗去。」

支譽儀日前接受電台節目，談及自己點樣兼顧歌唱同自己生意。

問佢參加比賽最大得着係咩？Venus表示：「喺參賽呢8個月入面，我搵到屬於自己把聲，以前唔知點發聲，但韋綺珊老師教我之後，咩類型歌我都試過。」Venus指新歌《Gotta Try》係其座右銘，「作為媽媽同事業型女性，自己嘅人生要自己主導。」

Venus甜絲絲稱老公一直低調支持自己嘅工作，不過佢老公成日唔想上鏡。

Venus甜絲絲稱老公一直低調支持自己嘅工作，不過佢老公成日唔想上鏡，只係以聽眾角度私下畀好多意見，例如呢首歌唱直播要點樣唱、有時覺得佢咁唱會喘氣；而Venus媽咪見到有啲報道就會為阿女感到驕傲，Venus媽咪覺得呢個圈好浮沉，提醒Venus當冇咗價值時，就將原有嘅能量去番自己事業上。
Venus與一眾《中聲》唱將相處融洽。