張信哲煙台開騷吞蚊落肚 笑讚山東好客補充蛋白質

張信哲煙台開騷吞蚊落肚 笑讚山東好客補充蛋白質

「情歌王子」 張信哲 最新一輪嘅世界巡迴演唱會,4月中喺上海正式開始,仲吸引咗16萬人入場觀賞。日前佢仲官宣月底就會到鳥巢開騷,門票首賣當日仲火速售罄,之後即宣布再加場。

張信哲近日展開新一輪巡迴演唱,近日於內地唔同城市演出

而日前佢就喺山東煙台開唱,仲特登選唱《親愛的小孩》同大家慶祝6月1號兒童節。阿哲嘅歌陪伴唔少人成長,佢特別喺台上多謝大家:「作為一個歌手,最幸福是我的音樂可以讓你們又哭又笑,無論想到哪一個人、哪一件事,就是有一件事可以讓你們盡情地釋放,對吧!」

日前佢喺煙台演出,仲被天下飛蚊搞亂

不過原本溫馨感人嘅氣氛,竟然最後被一隻蚊破壞,阿哲唱到《回來》嗰陣,天外飛來一隻蚊,仲直接飛入佢口中,查實佢上年喺濟南開騷,已曾經食過一隻飛蟲,由於呢兩個城市都位於山東,阿哲就搞笑話山東真係好好客:「我真的笑納了,謝謝山東讓我補充蛋白質,難怪我體力好!」幽默一面令全場笑聲四起。

今個周末佢仲會喺杜拜開騷,成為首位華人於當地開個唱嘅歌手
 
完成煙台演唱會之後,阿哲6月9號就會喺杜拜開騷,亦係有史以來首位喺杜拜舉行個唱嘅華人歌手,認真犀利呀!

熱門搜尋