佘詩曼孖梁靖琪大曬閨密情 重提與劉嘉玲撞樣：有人話我似

佘詩曼與梁靖琪（Toby）一向老友鬼鬼，前日Toby喺社交平台貼出一條影片大曬閨密情，好開心有六位好朋友，令Toby擁有喜悅、支持及無盡笑聲，度過艱難困苦及好時光，每一個共同秘密，讓佢哋感覺似家人。
佘詩曼與梁靖琪一向老友鬼鬼，噚日Toby喺社交平台貼出一條影片大曬閨密情。

片中見佢哋一齊開工，一齊經歷人生階段，為對方慶祝生日，見證大家喺人生路嘅成長，阿佘見到該影片亦有喺IG動態轉發，一向人緣極佳阿佘嘅上月踏入生日月，朋友輪住同佢食生日飯。
由佘詩曼、湯盈盈、梁靖琪、文頌嫻、姚樂怡、周家蔚、鍾麗淇組成的「七魔女」。

阿佘最近忙於工作，早前佢驚喜現身劉嘉玲節目，來一趟西貢一日遊，該集就嚟播出，阿佘噚日喺IG貼出合照並寫道：「由細到大都有人話我似劉嘉玲，終於有機會同嘉玲姐同框！Yeah～好開心～嘉玲姐做人處事係好值得我哋學習。」阿佘喺1997年參選港姐嗰陣，亦曾被稱封「小劉嘉玲」。
阿佘早前驚喜現身劉嘉玲節目，來一趟西貢一日遊，該集就嚟播出。