谷婭溦古裝街拍MV中西合璧 大讚古淖文爭氣期待師徒再合作

谷婭溦 為拍攝新歌《我管你》MV，特登去到古裝街取景，仲出動埋無人機，由日頭拍到日落，認真大陣仗。唔講唔知，原來Vivian係第一次到訪古裝街，佢就大讚今次嘅MV有中西合璧嘅感覺，同新歌非常切合，首歌延續上年嘅作品《Liar》，繼續探討人性，音樂風格以band sound為主，走日式動漫風，希望可以帶比大家熱血嘅感覺。

既然係band sound，MV拍攝當然要請到一班真band友助陣，Vivian話因為時間緊逼，所以連音樂監製Alex劉易昇都要親自落場客串，但因為彼此合作開，默契十足，所以出來嘅效果反而更好。

Vivian喺《中年好聲音2》成功調教學員古淖文，最後仲奪得冠軍，Vivian導師大讚呢位學生好爭氣，仲話希望師徒二人好快可以有機會再合作呀！