芷珊約您｜最後一集送上連串彩蛋 漏網鏡頭捕捉嘉賓私下一面

話咁快《芷珊約您》呢個星期日就要播出最後一集，過去幾個星期， 黎芷珊 跟隨溫拿、張敬軒、王嘉爾、許志安、陳慧琳、楊千嬅、草蜢去到世界各地，邊開騷邊暢談人生，有歡笑有淚水，相信觀眾都記憶猶新，節目來到最後一集，特別為觀眾送上連串彩蛋，精彩嘅漏網鏡頭，一次過為大家送上，令大家更加認識巨星私底下嘅一面。

精彩內容包括千嬅分享演唱會後台極速換衫趣事；溫拿笑談陳年經典造型；Jackson自爆名氣背後嘅心路歷程；草蜢嘅蔡一傑坦言喺獨行俠；Kelly自爆私底下出街冇人認得嘅搞笑事；許志安展現貓奴一面；以及軒公化身購物狂帶芷珊行街街。

《芷珊約您》 最後一集 星期日晚 21:30 翡翠台