湯唯孖朴寶劍秀智合作新戲 爆紅男神邊佑錫現身首映成焦點

湯唯孖朴寶劍秀智合作新戲 爆紅男神邊佑錫現身首映成焦點

集合湯唯、秀智、朴寶劍、鄭有美、崔宇植等主演嘅新戲喺韓國舉行媒體試映會,導演金泰勇都有特別上台,同老婆湯唯繞手合照。一向對婚姻生活保持低調嘅湯唯,亦都難得放閃,大方分享同老公嘅合作點滴,湯唯話同老公合作一次生、二次熟,彼此已經好熟悉,佢仲大讚老公:「他一如既往很有耐心,很有自己的想法,很細膩,這些都是我非常欣賞的特點。」

電影仲有一個亮點就係男神孔劉客串飾演湯唯嘅老公,孔劉喺戲中係AI,連湯唯自己都好好奇,究竟佢同孔劉oppa嘅結果會係點樣。

寶劍同秀智喺戲中飾演一對,而近排二人頻頻喺社交平台發放甜蜜CP相,連活動上都繼續放閃,秀智話同寶劍拍攝過程有好多美好回憶,亦拍攝好多甜蜜情侶相同短片,寶劍就承諾大家,如果票房好,就會將相同短片陸續公開。

新片之後舉行VIP首映禮,吸引唔少圈中人到場支持,包括同寶劍以及秀智都好老友嘅惠利、少女時代成員徐玄、李準基、任時完、郭東延、Somi、男團Seventeen嘅S.COUPS、Hoshi、勝寬等,而當中最受矚目嘅一定喺近期憑大熱穿越劇人氣飆升嘅邊佑錫,佢一現身,現場粉絲即刻尖叫聲不斷。

熱門搜尋