陳庭妮蔡凡熙凶宅拍攝做足準備 王玥拒用AI複製老公復活

 陳庭妮 蔡凡熙 王玥 姚黛瑋 呢日現身台北出席新劇宣傳記招，呢次庭妮同凡熙飾演非一般地產經紀，經常要去唔同物業進行拍攝，當中亦包括真凶宅。不過兩位事前都有做足準備，同「朋友仔」打聲招呼。加上拍攝時劇組人多，陽氣旺盛，所以兩位都時刻提醒自己要跟好大隊，唔好單獨行動。
 
劇集涉及唔少難以解釋嘅超自然現象，當中令凡熙感到最神奇嘅就係用「抱樹」方式進行療癒同淨化，而佢親身嘗試時亦好似有聽到一啲特別聲音，並且得到樹所俾嘅力量，事後佢都覺得自己變得清新唔少。
 
王玥喺劇中因為不捨愛貓而用AI科技複製貓貓，而喺現實中，王玥老公「戲劇大師」李國修喺11年前逝世，講到會唔會想同劇中情節一樣將老公喺現實複雜復活，王玥就一口拒絕喇！但佢就幽默表示，以後如果養貓，可以改佢個名做「修修」。