紅爆日本女團Avantgardey再來港 跳古仔《今期流行》盼下月演出一齊玩

紅爆各地嘅日本女子舞蹈團體 Avantgardey 再次訪港，呢日嘅商場活動就為觀眾現場表演佢哋極度整齊又每每都加入當地元素嘅舞步，繼農曆年後再來港宣傳Pop Up Store嘅佢哋，今次仲大跳 古天樂 嘅名曲《今期流行》同《打雀英雄傳》。

雖然今次未係Full Team訪港略為可惜，不過佢哋就指7月會再次來港表演，呢次就先以兩首歌曲同大家打招呼，仲話《今期流行》嘅動作有如拜神一樣非常有趣，仲話希望古仔到時有機會現場欣賞，如果佢肯戴埋招牌假髮一齊玩就不得了咁話。

星爺一向大受海外觀眾歡迎，幾位少女就話視佢為偶像，連演出嘅表情都參考自星爺電影，仲指非常希望有機會可以合作，甚至會為佢學電影中嘅歌曲舞步呀。