霆鋒拍新戲開槍意外擦傷 被吊上高空數十呎爆槍戰嚇怕衛詩雅

謝霆鋒擔任動作指導及主演嘅新戲《海關戰線》，佢首度兼任動作指導，拍攝時不斷來回片場同攝影機前，務求將每個動作做到創新、悅目及乾脆俐落，電影前段即見扣人心弦大場面，霆鋒與擁有強大軍火力量嘅不法分子槍戰，開工當日先拍霆鋒吊威也跳爬去貨櫃頂，其中一take霆鋒直言：「唔夠爽，即刻再嚟！」

謝霆鋒擔任動作指導及主演嘅新戲《海關戰線》，務求將每個動作乾脆俐落。

霆鋒笑言雖然有戴防護墊，但不幸撞到嘅都係冇防護墊嘅地方，尚未埋位嘅衛詩雅亦現身片場，觀察男神霆鋒拍動作戲，Michelle坦言因爆破場面及槍戰等，一直有啲害拍參與動作片，開拍前Michelle相當緊張，綵排時又擔心霆鋒，霆鋒覺得唔使咁擔心，因為呢場已經算簡單，後半部分就要小心，呢日有位武指因此而脫臼，已被送往醫院治理。

霆鋒笑言雖然有戴防護墊，但不幸撞到嘅都係冇防護墊嘅地方。

霆鋒喺貨櫃頂開槍時意外擦傷手指，貼咗藥水膠布免受細菌感染，一派淡定嘅霆鋒，憶述從影以嚟其中一個最危險場面：「《逆戰》有一場發生喺馬來西亞監獄，我跳出嚟跌落車尾箱，真係好難！我諗大約有五、六樓層樓高要跳穿一個鐵皮，中間空位只得我一個人咁闊，如果我啲手伸出去就劏手，如果我跳前跳後少少，就頸同腳都會撞，由於空間狹窄，好容易撞到手腳，一定要跳得中！」

霆鋒與擁有強大軍火力量嘅不法分子槍戰，開工當日先拍霆鋒吊威也跳爬去貨櫃頂。

其實呢幕槍戰場面，仲有另一個非常艱險嘅動作，就係喺高空貨櫃傾側超過45度時施展靈活身手，翻後筋斗墮下跌出貨櫃，難度指數同危險系數一樣高，眾人屏息以待凝視霆鋒傾力演出。霆鋒從高空跌下一套動作，只拍咗三次，邱禮濤導演已滿意收貨，之後霆鋒續拍從貨櫃高處墮下，跌喺四驅車嘅擋風玻璃上再滑下，用手捉實車頂邊緣以免滑下。完成拍攝後，當霆鋒跌出貨櫃時，威也回力令佢撞到貨櫃，霆鋒瞬間以手肘頂着，有着多年經驗嘅霆鋒早已見慣不怪，必要時候都會好好保護自己。
一派淡定嘅霆鋒，憶述從影以嚟其中一個最危險場面：「《逆戰》有一場發生喺馬來西亞監獄，我跳出嚟跌落車尾箱。」