吳業坤觸動聽眾單戀經歷 以青澀戀情拍MV拉開日系三步曲

年初宣布全面回歸樂壇嘅吳業坤（坤哥）近日推出2024首支主打派台歌曲《幼馴染》，以青梅竹馬嘅青澀戀情拉開日系三步曲序幕。
 
《幼馴染》以青梅竹馬嘅青澀戀情拉開日系三步曲序幕。

向來認真打造日系廣東歌嘅坤哥，今次就以漢字組成嘅日文字作為歌名，坤哥就話：「雖然大家見過啲日文字，但係未必清楚佢個意思，以保留大家對歌曲嘅想像空間。」而往後兩部曲嘅歌名亦會以相近方式命名。至於歌詞方面，就由填詞人Oscar Lee 及少爺占聯手合作，寫出大家嚮往過嘅青春回憶，觸動聽眾放喺內心嘅過去單戀經歷。

向來認真打造日系廣東歌嘅坤哥，今次就以漢字組成嘅日文字作為歌名。

《幼馴染》除咗有日系清新曲風、輕快旋律以及青澀甜蜜嘅歌詞外，坤哥更專程遠赴日本高松取景拍攝MV，喺MV中坤哥更係罕有除底眼鏡，換上山系造型，令人眼前一亮。而MV就用日本山景做主題，喺電車、神舍等充滿日本特色嘅地方取景，務求令觀眾可以喺聽覺及視覺上百分百完美被日本風包圍。
《幼馴染》除咗有日系清新曲風、輕快旋律以及青澀甜蜜嘅歌詞外，坤哥更專程遠赴日本高松取景拍攝MV。