拍檔廚房｜龔嘉欣粉紅甜品險勝黎諾懿 方力申黃翠如幽默談合作默契

龔嘉欣、黎諾懿作客烹飪節目《拍檔廚房》進行Battle，兩位分別邀請大廚Bosco同Ester擔任幫手，兩隊實力旗鼓相當。呢集主題就係炮製出電影嘅味道，唔只要色、香、味俱全，創意都好重要。

嘉欣作為甜品控又有自己餐廳，呢次同Bosco製作少女心嘅粉紅色楊枝甘露，深得評判歡心，以一分險勝成為贏家。嘉欣同Bosco以浪漫得到評判喜愛，諾懿就同Ester大玩兩地菜式融合，以法國混長洲做基底，務求評判食出長洲嘅味道、法國嘅廚藝，諾懿大讚有法廚底嘅Ester夠曬細心，有別於自己狂野風格。
 
方力申同黃翠如第一次合作主持節目，講到默契方面，兩位話大家評佢哋係「非常有默契地冇默契」，但小方就唔多認同，反而覺得一個人係成功唔到，所以喺呢個節目，完全係冇翠如就冇自己。