KAT-TUN相隔多年再訪台 過百粉絲為見偶像逼爆機場

日本男團KAT-TUN相隔多年終於再去台灣，雖然呢次三子只係為節目進行拍攝，又係秘密行程，但神通廣大嘅粉絲早就拎好應援物喺機場守候偶像抵達。
 
大約中午十二點時分，KAT-TUN終於現身，現場過百粉絲蜂擁而至，雖然三位未有停下做太多互動，不過面對粉絲嘅熱情呼喊，上田龍也同龜梨和也都有揮手同點頭回應，而中丸雄一更有拎出手機將現場「相機海」一幕影低。雖然現場粉絲眾多，不過三子步離機場上車只用咗三分鐘，行動非常迅速。