「中二好聲音」齊參與中一唱將演唱會 古淖文譚輝智顏米羔黃劍文做特別嘉賓

《中年好聲音》10位唱將周吉佩、李佳、羅啟豪、龍婷、顏志恒、吳大強、支嚳儀、林鉫徫、丁文俊及魏嘉信即將喺6月22號及23號晚上喺麥花臣場館舉行《 一班好聲音「十」力無限演唱會》，為咗令粉絲喺入場欣賞演唱會前有特別體驗，10位中一唱將日前特意抽空拍攝，屆時佢哋人型紙牌將放置喺場館入口處，讓歌迷打卡留念，呢個亦係10位歌手嘅歌迷會一番心意。

10位中一唱將日前特意抽空拍攝，屆時佢哋人型紙牌將放置喺場館入口處。

龍婷同支嚳儀透露將喺今次演唱會組成限定跳唱女團大跳勁舞，李佳、羅啟豪及林鉫徫將以Acapella清唱型式大唱經典歌；大強哥指去年「中一演唱會」至今不經不覺已過咗一年時間，大家都好期待今次演唱會，全體歌手會準備充足，佢預備咗唔同語言歌曲送畀大家。

全體歌手會準備充足，佢預備咗唔同語言歌曲送畀大家。

丁文俊為咗回報歌迷長期以嚟對「中年好聲音」支持，今次演唱會邀請咗「中二好聲音」古淖文、譚輝智、顏米羔及黃劍文做特別嘉賓，佢哋四位中二生非常興奮能夠同一眾師兄師姐合作，相信佢哋呢14位好聲音歌手嘅夢幻組合必定會喺舞台上擦出新火花！
今次演唱會邀請咗「中二好聲音」古淖文、譚輝智、顏米羔及黃劍文做特別嘉賓。佢哋四位中二生非常興奮能夠同一眾師兄師姐合作，相信佢哋呢14位好聲音歌手嘅夢幻組合必定會喺舞台上擦出新火花！