吳鎮宇談入行趣事花幾百蚊改名 訓練班同學做主角後頓感空虛：唔想被拋離太遠

吳鎮宇近日為新戲宣傳接受Do姐鄭裕玲網上節目訪問《The Do Show》暢談入行拍戲趣事，鎮宇畢業於第11期訓練班，講起由「吳志強」改名「吳鎮宇」，佢笑指「志強」呢個名感覺係弱，當年佢咁啱喺鳳凰村遇到相士花咗幾百蚊改名，就畀阿伯睇吓囉！

吳鎮宇近日為新戲宣傳接受Do姐鄭裕玲網上節目訪問《The Do Show》暢談入行拍戲趣事。

鎮宇坦言入行前冇乜睇戲，最常係睇書，佢當年一個人連續考咗幾次都唔成功，一度轉行做布行，同事又叫佢去無綫電視台報名，仲話幫鎮宇拎報名表格，鎮宇嗰時打工連放7日假，當時冇錢去旅行，就參加免費嘅妙法寺七日剃度大會，點知撞咗最後一次面試日子，職員話可以補一日畀佢，佢就剃光頭造型去面試就成功。

鎮宇坦言入行前冇乜睇戲，最常係睇書，佢當年一個人連續考咗幾次都唔成功，一度轉行做布行。

鎮宇入第11期訓練班見到啲同學仔，即覺得呢堆人幾厲害，反而自己有雞鵝飯食，唔使諗太多，又有榻榻米瞓講幾句對白，就覺得自己好掂，直至鎮宇見到同期同學李子雄做咗電影明星，梁朝偉同周星馳又做主角，又見新一期訓練班嘅劉青雲、陶大宇及吳啟華嗰啲都做晒主角，當時冇人陪佢打麻雀同鋤大DEE，鎮宇頓時覺得好空虛，唔想被拋離太遠，大家都有劇本，佢都想有角色，佢指當年每個人都以周潤發為目標。

鎮宇拍劇《生命之旅》成為第二男主角，同劇有Do姐同萬梓良一齊演出。

後來鎮宇拍劇《生命之旅》成為第二男主角，同劇有Do姐同萬梓良一齊演出，佢當刻心諗公司咁冇人咩，鎮宇笑言工作時間長，自己用潛意識去演戲，鎮宇解釋當年做咗一年當家小生，覺得達到咗某個成績，就唔續約係因為興趣係想做電影明星。

鎮宇見到同期同學李子雄做咗電影明星。鎮宇指當年訓練班同學每個人都以周潤發為目標。

鎮宇見啲朋友去拍電影，佢又試吓轉戰電影圈，鎮宇後嚟拍《衝上雲霄》記住對稿同分場，盡量配合對手演出，角色大受歡迎，佢本來設定阿Sam角色係「奶油小生」，點知造型變咗undercut仲流行至今。
鎮宇後嚟拍《衝上雲霄》記住對稿同分場，盡量配合對手演出，角色大受歡迎。