邱瓈寬為母親設靈 眾星現身靈堂致意

台灣金牌經理人邱瓈寬嘅媽媽喺6月初因病離世，寬姐喺台北為亡母設靈，唔少圈中人都到嚟向邱媽媽致祭，包括久未露面嘅黑人陳建州夫婦、王力宏、藍心湄、徐若瑄、謝金燕、李明依、張宇、黃韻玲、于美人、楊貴薇等人。

早上約11時抵達靈堂嘅寬姐，落車後企咗喺​​追思會場外睇咗一陣送花圈名單，期間更一度落淚，一臉不捨嘅寬姐睇咗逾一分鐘先步入追思會場。

同寬姐交情要好嘅心湄更一度悲從中來，佢話邱媽媽等到解脫唔需要再受煎熬，因為經已臥床五年多。黃韻玲講到寬姐精神還可以，不過寬姐之前為咗照顧媽媽，令到休息唔夠，所以大家都好關心佢嘅健康。張宇就話見到寬姐時就嚟個擁抱，等佢知道大家都關心佢。