陳奕迅鐵騎出遊開心如小朋友 圈中騎友多享受自在Me Time快樂

有人話：人類由雙腳遠行、慢慢發展到騎馬代步、再因為工業發展進而用車出遊，可以享受嘅自由出走快樂亦倍增。近年唔少人認為揸車就係享受Me Time嘅時間，而身處香港揸電單車被指係「皮包鐵」嘅概念，亦隨住思想改變而變成一種生活品味。

好似疫情期間被發現報名考電單車牌嘅 陳奕迅 ，就喺社交平台公開自己揸住電單車遊車河嘅片段，當中嘅Eason笑容滿面，似足大細路去到主題樂園嘅真摯笑容，快樂有時真係可以好簡單。

而圈中一向不乏電單車友，好似乜牌都有嘅女將 衛詩雅 譚嘉儀 ，仲有發燒級嘅 張繼聰 森美 、早前齊齊拍攝《駭洲鐵騎遊》嘅張振朗 袁偉豪 仲包括 雷頌德 徐榮 方力申 等，都非常鍾愛駕駛鐵騎嘅感覺。