胡鴻鈞大馬演唱會圓滿落幕 與歌迷雙向奔赴答謝多年支持

胡鴻鈞（Hubert）6月5日喺馬來西亞雲頂雲星劇場舉行演唱會，為粉絲們連唱多首熱門歌曲，包含《到此一遊》、《凡人不懂愛》、《祝君好》，加盟新唱片公司後發行國語歌曲《Give Me A Chance》、《愛是想觸碰卻收回手》及《足夠》等。
 
胡鴻鈞於6月5日喺馬來西亞雲頂雲星劇場舉行演唱會。

當Hubert唱《謝謝你的應援》送畀歌迷，全場舉起應援手幅，表達「同行有我們，為你點亮星辰」。馬來西亞歌迷嘅熱情同支持令Hubert非常感動，佢仲話：「每次到大馬時都深深感受到大家非常friendly同welcoming，希望日後有多啲機會同大家見面。 」
 
寵粉嘅Hubert喺Encore時走到台下同歌迷近距離互動，Hubert一落台就迅速被「重重包圍」。

寵粉嘅Hubert喺Encore時走到台下同歌迷近距離互動，Hubert一落台就迅速被「重重包圍」。呢次演唱會主題「在幕Moods」同Hubert先前推出國語EP同名，Hubert表示人生猶如電影，每一幕會出現唔同課題、挑戰、情緒，亦希望自己嘅音樂可以傳遞力量畀聽眾，喺大家低落時治癒人心，快樂時陪伴大家。
 
馬來西亞歌迷嘅熱情同支持令Hubert非常感動。

對於呢次演唱會，Hubert為自己打80分，佢期待日後喺更大嘅舞台上繼續演出，為觀眾送上更多精彩表演，回饋所有一直支持佢嘅粉絲。Hubert繼續努力創作、演唱，用音樂溫暖每一位聽眾心靈。
Hubert表示人生猶如電影，每一幕會出現唔同課題、挑戰、情緒，亦希望自己嘅音樂可以傳遞力量畀聽眾。