蘇慧倫獅城首辦大型演唱會 與鼓鼓鬥講土味情話撩歌迷

出道多年嘅 蘇慧倫 日前到訪新加坡，首次於當地展開大型演唱會，佢仲提到自己雖然34年來都未曾喺當地開過大型個唱，不過就指同獅城有非常深嘅緣份，因為當年首張專輯已經到訪當地宣傳，而首個女歌手獎亦係由當地觀眾票選而頒發，所以同歌迷感情非常深厚呀。

被譽為美魔女嘅佢雖已年逾半百，不過一唱起當年嘅知名快歌依然少女味十足，又同嘉賓鼓鼓一齊鬥撩台下歌迷，大講土味情話。