莊思敏自認半個港漂樂於分享生活 帶細佬一家遊主題公園享家庭樂

莊思敏（Jacquelin）、蘇韻姿、羅霖、戴辛尉現身一個活動，分享由外地到香港發展事業嘅生活點滴。雖然Jacquelin自細已經喺香港生活，但佢自認係半個港漂，認為香港係一座好容易被適應嘅城市，不過港漂要喺度生活發展，最好就係要學好廣東話、好好把握時間，適應急速生活節奏。
 
Jacquelin雖然出身富貴，不過佢為人精打細算，間唔時就會拍片同大家分享買平嘢心得兼挖掘小店。事關佢主打用錢要用得精明，要將有限金錢發揮得最有用處，而且想將最好嘅隱世小店介紹畀大家。
 
Jacquelin細佬一家早前來港探親，作為廿四孝家姐嘅Jacquelin就當然有一盡地主之誼帶屋企人到處遊玩，亦去咗主題公園睇動物、睇表演，玩得好盡興。