翁立友相隔6年角逐金曲獎 太太低調不計劃現身打氣

翁立友相隔六年再以專輯《刀馬旦》角逐金曲獎「最佳台語男歌手獎」，前年低調結婚嘅佢呢日現身傳媒餐敍時，難免被追問太太嘅事。雖然翁立友呢日被發現冇戴婚戒，不過佢就解釋只係因為自己唔鍾意戴飾物，並唔係同太太感情有變，而太太亦唔會呷醋。至於講到造人計劃，翁立友就話一切努力當中！
 
翁立友太太行事低調，所以頒獎典禮當日只會喺電視守候，但係翁立友就會戴一條玉葫蘆鍊做幸運物。講到認為最大競敵會係邊個時，翁立友就讚每位入圍者出色，亦好開心見到年輕一輩被提拔。
 
其實翁立友好感激唱片公司喺市道一般嘅情況下，仍然畀佢一年出一張專輯報答歌迷，而呢次《刀馬旦》喺卡拉OK點播率又高，令佢好欣慰。