陳豪開班私教3子女演技 考慮去澳洲或加拿大退休

陳豪開班私教3子女演技 考慮去澳洲或加拿大退休

陳豪日前以銀行品牌大使身份出席《財富管理博覽2024》,同場出席嘅仲有曾比特、支嚳儀同林溥來等。有3個小朋友嘅陳豪,更受邀出席高峰論壇之「我和我的星二代」環節,分享對財富傳承嘅睇法。
陳豪以銀行品牌大使身份出席《財富管理博覽2024》。
陳豪相當重視子女培育,無論係升學規劃、置業甚至事業傳承,佢同太太陳茵媺都認為要未雨綢繆,以子女升學為例,本身喺澳洲讀書嘅佢,就曾經考慮過畀小朋友去澳洲或者係老婆長大嘅加拿大升學,陳豪表示:「但最後都要視乎小朋友的興趣,現時新世代較有自己想法,眼光和視野也跟我們這一輩很不同,他們想有更自主、多元發展,所以要調撥更多資源,為孩子鋪路追夢!」
陳豪話打算將來同老婆去澳洲或者加拿大過退休生活。
陳豪話小朋友嘅諗法成日都會改變,今日想去澳洲讀獸醫,聽日又可能會想去英國讀時裝設計,陳豪話:「而我跟太太考慮日後到澳洲或加拿大退休,貨幣轉換選項可配合不同人生階段對不同貨幣的需求,理財就彈性得多!」
阿Mo話平日有教3個小朋友點樣演戲。
講到小朋友嘅興趣,陳豪話佢哋都好有表演欲,無論係學校嘅話劇表演或者係畢業表演,佢哋都好踴躍參加,所以陳豪話平時喺屋企都會教小朋友演技:「雖然只是玩玩,但我在家排戲練習時,也會教他們如何做表情配合和走位等。」

曾比特支嚳儀Patrick Sir

 相關推薦

熱門搜尋