兩子之母余香凝任兒童電影節大使 唐詩詠創作短片如回憶10歲時光

已為人母嘅應屆金像獎影后 余香凝 導演 劉偉恒 同 唐詩詠 呢日參與「第8屆香港兒童國際電影節」活動，今年電影節將喺7月嘅四個周末舉行，大會7月至8月又會喺圓方舉行KIFF 短片環節嘉年華同工作坊，歡迎小朋友參與。身為大使嘅Jennifer仲話做咗媽咪之後，認為兒童電影係啟發小朋友想像力同培養創意嘅重要途徑。 

應屆金像影后余香凝為兒童電影節擔任大使

Jennifer係兩子之母，今屆「大使之選」佢就選擇咗《機械人世界盃》：「《機械人世界盃》入面，比比嘅父母強迫女兒學芭蕾舞，不理佢對足球嘅熱愛。我身為一個媽媽，喺電影就學識適當時間要放手，等子女探索屬於自己嘅一片天。」

已為人母嘅Jennifer話要學識放手，而詩詠則參與其中一部短片創作

唐詩詠 亦分享自己參與創作嘅一套短片《再見的那一瞬間》嘅心路歷程：「創作過程好似同十歲嘅自己相遇咁，重新了解一啲過往忽略咗嘅情感。希望大家可以由短片中獲得力量，明白恐懼一啲都唔可怕。」

FR6D5688.JPG

電影節嘅共同創辦人 曾麗芬 亦都提到：「希望可以令更多兒童入戲院，提高佢哋對電影嘅興趣。電影節會繼續搜羅世界各地嘅兒童電影，希望小朋友透過電影認識唔同地方嘅文化。」 

FR6D5737.JPG