小恩子領隊向長者派糭賀端陽 Yumiko諾懿帶子女參與送暖

小恩子領隊向長者派糭賀端陽 Yumiko諾懿帶子女參與送暖

黎瑞恩 譚玉瑛 區永權 李思雅 關曜儁 黃穎君 黎諾懿 同仔仔小春雞 仲有近年旅居內地嘅 鄭希怡 同老公仲有囡囡 梁浸浸 日前一齊參與香港藝人高爾夫協會 嘅慈善活動,趁端午節向長者派發逾700隻糭同福袋送暖。

一眾藝人呢日向長者派糭賀端午節

一眾藝人現身大受公公婆婆嘅歡迎,大家亦非常落力同大家打成一片,關耀儁仲化身保安隊長,安排公公婆婆排隊領取禮物包,又攙扶出入。而小春雞雖然年紀尚少,但係一樣主動祝公公婆婆端午節快樂,身為廚神嘅諾懿仲即場教小春雞包糭,場面温馨。Yumiko一家三口呢日全家亮相,9歲嘅梁浸浸就略為怕醜喇。

近年主力於內地發展嘅Yumiko亦一家三口出席黎諾懿亦帶同小春雞行善
 
呢日大家向大家派糭傾偈,諾懿大受一班哥哥姐姐歡迎,唔少人都叫佢廚神又要求合照。譚玉瑛姐姐就被大讚靚女,而大家見到區永權時,又鬼馬笑言要「報東張」。至於小恩子黎瑞恩呢日就充當領隊,安排大家到唔同單位派糭,非常落力。

一眾老友記見到大家出現都非常開心

熱門搜尋