鄭秀文為開騷喪操體能 輕鬆做烏鴉式Fit到爆炸

原定去年舉行新一輪演唱會嘅 鄭秀文 因為感染新冠疫情而將個唱推遲至下月舉行，新一輪演唱會7月就會舉行13場演出，日前大會公佈尚餘少量門票18號將公開發售，未買到飛嘅朋友就要把握機會喇。

Sammi一向嘅堅毅認真都成為唔少人嘅榜樣，佢近月為今次個唱一早就已經開始操練，不論係練歌排舞、甚至係健身都用足120分努力，以行動作最好嘅準備，仲不時喺社交平台分享過程。

好似呢日佢就以一招烏鴉式，俾大家睇睇佢核心肌肉力量有幾強勁喇。雖然Sammi指自己未學過瑜珈，而呢個對身體柔軟度、平衡感同核心肌群，仲有手臂同腿部肌肉都需要高要求嘅動作，佢簡簡單單就做到成20秒，仲似乎非常輕鬆咁呀。