TVB奧運｜集合全台資源轉播精彩賽況 商場活動預熱迎接倒數

巴黎奧運7月就會正式揭幕，傳送聖火嘅儀式亦已經開始，代表盛事已踏入倒數階段， TVB 將動用大量資源全天候為觀眾轉播各項精彩賽事。呢日兩屆《中年好聲音》 嘅成員 周吉佩 顏志恒 羅啟豪 黃劍文 譚輝智 沈宗賢 林若盈 陳蒨葶 仲有《聲夢》 潘靜文 何晉樂 彭家賢 侯雋熙  加上奧運六星嘅 鄭衍峰 孔德賢 劉穎鏇 同 何泳芍 就一齊喺商場宣傳喇。

除咗中聲唱將為大家即場獻唱之外，呢日活動亦播放咗TVB奧運主題曲MV，大家仲講返拍攝時嘅趣事，吉吉形容自己嘅拮拮動作，就搞到大家都笑聲四起，Ramon仲要打乒乓，而打拳嘅FC就嫌自己打得唔夠型喎。至於Kimman同幾位中二生，就要齊齊跳舞，苦盈仲話當日似乎因為自己發生意外事故呀。

Sherman將會為奧運節目擔任主持，不過佢就坦言非常緊張，而一眾戰友仲話要探班打氣咁話喎。至於將會到巴黎直擊賽況嘅Leonard，就令大家非常羨慕喇，而Danny、Tiffany同Honey就話留港主持一樣要非常努力咁話。