譚輝智憶婚禮為老婆冧爆獻唱 方皓玟Archie爆姊弟戀感激對方

譚輝智 呢日獲邀請擔任結婚節嘅表演嘉賓，同太太非常恩愛嘅FC，仲回憶婚禮同太太全情包辦每一個細節，當時仲為太太唱《Nothing's Gonna Change My Love for You》呢首經典情歌，搞到佢流下喜悅嘅淚水。

FC又話當日自己緊張到不得了，連感言都幾乎講唔到咁滯呀。佢嘅首次個唱日前喺TVB播出，佢亦同家人朋友一齊重溫，睇返先發現太太原來當時咁激動呀。

呢日另一位嘉賓仲有 方皓玟 ，對早前因為一張食飯相片而傳出佢同 冼靖峰 嘅緋聞，小明就話要多謝大家睇得起自己，可以同小鮮肉放埋一齊，因為大家關注自己嘅感情同幸福，對自己係好大嘅喜訊，直情賺咗咁話，仲話非常Ready接受任何追求，大家祈唔好因為呢單新聞卻步呀。