Rain相隔八年再開騷掀熱討 官宣暑假襲港「雨」歌迷共舞

Rain相隔八年再開騷掀熱討 官宣暑假襲港「雨」歌迷共舞

韓流天王Rain(鄭智薰)相隔8年,終於要舉行個人巡迴演唱會喇!Rain早前來港出席活動時已經預告7月份會嚟香港開騷,而家終於官宣香港站落實於2024年7月13日(星期六),假香港亞博舉行,門票6月20日(星期四)起公開發售!

近年Rain密密拍劇,上年又擔任《亞洲超星團》總製作人,不過佢完全冇忘記樂迷

作為韓流天王嘅Rain出道22年,一直專注歌影視三棲發展。雖然近年Rain密密拍劇,上年又擔任《亞洲超星團》總製作人,不過佢完全冇忘記樂迷。Rain自今年4月宣布相隔8年舉行個人巡迴演唱會後,隨即掀起熱話。而早前佢亮相電台節目時透露,原本計劃2020年舉行巡迴演唱會,但當時因疫情爆發而被逼取消,所以喺呢次巡唱會落足心機準備,唔只排舞練歌,仲會打造最佳嘅身體狀態。
 
作為韓流天王嘅Rain出道22年,一直專注歌影視三棲發展。

至於今次演唱會主題「STILL RAINING」就係Rain要同粉絲講,佢依然喺粉絲們身邊,亦代表Rain對舞台演出嘅熱情從來冇變。首爾站亦喺6月8、9日,首爾奧林匹克大廳開鑼,Rain獻唱多首經典歌曲,並為樂迷帶嚟全新舞蹈同表演,令大家有難忘嘅兩日。
Rain原本計劃2020年舉行巡迴演唱會,但當時因疫情爆發而被逼取消,所以喺呢次巡唱會落足心機準備。

 相關推薦

熱門搜尋