StarTalk｜青雲鎮宇近廿年後再合作 相識多時交流靠老婆出馬

劉青雲 同 吳鎮宇 兩位相識多年嘅好兄弟，相隔19年之後早前再合作演出 邱禮濤 導演嘅新作《談判專家》，呢日三位一齊接受《StarTalk》 王鎮泉 嘅專訪，佢哋仲分享呢次重現荷里活經典《無數講》嘅有趣細節。

青雲同鎮宇老友同場，唔止鬥戲，呢日專訪亦都由頭到尾鬥氣，兩人老友鬼鬼你笑我我串你。而戲中青雲其中一個除戒指嘅小動作，更係佢現場嘅神來之筆。19年之後三人再次合作，青雲就指鎮宇尤如時光停頓完全無分別，反而鎮宇就大讚青雲體能一流，不過同老友合作就可以慳返熱身熟稔嘅時間。

雖然相識數十載，不過原來私下就靠太座出面交流聯絡，非常搞笑。新片由 劉德華 監製，佢仲特別客串演出一個精神病人角色，導演仲將其中一個特別有發揮嘅角色任佢爆發咁話。