洪助昇相隔9年再舞火龍 立志未來做龍頭大哥

一連三晚嘅大坑舞火龍盛會早前喺中秋節期間舉行，連日嚟吸引唔少市民同遊客圍觀拍照。當中嘅主角「火龍」由三百幾個猛男「揮舞」，歌手洪助昇（Aiden）亦有參與盛事，更是其中一位舞龍者。

呢次係Aiden第二次參加舞火龍，第一次已經係2015年。

原來呢次係Aiden第二次參加舞火龍，第一次已經係2015年。佢相隔多年再參與，原來係朋友提議：「咁啱今年中秋問我有冇興趣玩番，因為我細個都有舞獅，自己都想pick up番一啲表演唱歌演戲以外嘅另一啲興趣，所以就一齊去報名，好順利去參加今年嘅舞火龍。」 

一眾舞龍者一定要要戴帽或者攞毛巾包住個頭，而手套亦必不可少。

由於火龍全長六十七米，一眾舞龍者要揮動火龍遊走大坑，絕對係體力嘅考驗，所以事前Aiden密密加操：「因為條龍係六十七米，都唔惹少，要夠耐力同體力，所以自己都準備一下舉啞鈴、跑步，呢啲帶氧運動當然唔少得。」而舞火龍除咗需要體力、耐力，裝備同樣重要！事關要防止啲香會燒著頭髮，所以一定要要戴帽或者攞毛巾包住個頭，而手套亦必不可少，因為揸住舞火龍嘅木棍舞得耐嘅話，係會感到灼痛嘅。 

由於火龍全長六十七米，一眾舞龍者要揮動火龍遊走大坑，絕對係體力嘅考驗。

Aiden表示呢次舞火龍十分開心，因為圍觀嘅市民都十分熱情，會互相為大家打氣：「仲有就係嗰一種Teamwork嘅精神我覺得係好珍貴。」雖然這次Aiden負責揮動龍身部份，龍頭、龍尾要由有經驗嘅師兄負責，不過佢坦言希望有一日成為「龍頭大哥」啊！