幼女月前誕子文雪兒再任外婆 百日宴廣邀圈中好友同樂

文雪兒 早年因同前夫離異，獨力支撐帶大兩位千金，當年仲因積勞成疾患過大病，近年兩女成家，佢2005年亦嫁予建築師丈夫袁慧明，生活美滿。

文雪兒同兩女千金感情極好，近年更先後為媽咪誕下外孫
2021年文雪兒長女 張筠 婚後隔年誕下男嬰，首嘗升呢做外婆滋味，而幼女 袁萃 2023年時亦誕子，兩姊妹為媽咪帶來兩個可愛外孫，成為婆婆嘅文雪兒不時都分享帶住兩個外孫嘅威威幸福曬命相。
袁萃同丈夫月前誕下幼子，呢日為囝囝「滿滿」舉辦百日宴

文雪兒有孫萬事足

呢日一班圈中好友都紛紛到賀

婆婆一次抱兩孫，開心又威水

袁萃今年再任媽媽，6月為婆婆文雪兒帶來第三個可愛外孫。而日前嘅百日宴，婆婆就邀請大班圈中好友分享自己嘅喜悅，好似最近唔止做公主再做埋科學家嘅 苑瓊丹 葉子媚 李龍基 陳曉華 Joe Junior 胡渭康 吳麗珠 等賓客滿堂，大家仲爭住抱肥嘟嘟非常可愛嘅 「滿滿」 ，64歲嘅文雪兒仲一次抱起兩個細孫仔，霸氣十足。

文雪兒同建築師丈夫生活美滿