克勤挑戰拉丁舞練轉圈轉到暈 托舉女舞者做足安全措施

李克勤 為內地選秀節目第四次公演，各部落出動殺手鐧，作為隊長嘅克勤、夥拍林志玲老公AKIRA、尹能靜老公 秦昊 以及內地爵士舞舞者黃瀟X-song，打造歌劇感十足嘅舞台，成個演出以國標舞方式呈現，特別學藝嘅克勤雖然有跳過Hip Hop，但認為拉丁舞的確有好大分別。

克勤最新一次公演挑戰國標舞
作為音樂人嘅佢先留意到節拍方面嘅分別：「佢就好似嗰種藝術歌曲，譬如話我抱住嗰個女仔去轉嘅時候，唔一定要數一二三四五六七八，佢冇咁死板，我係用排其他舞嘅心態、嗰種形態排拉丁係完全冇嗰種感覺，第二就係其實你方向都唔同。」
佢覺得國標舞同過往接觸嘅其他舞蹈非常唔同

跟老師學轉圈時，克勤雖然好快上手，但係一轉完就大叫頭暈想嘔，雖然速成學拉丁舞的確好難，但係克勤為咗唔好拖累隊友，展現無比毅力，喺公演時成功完成托舉等高難度動作，不過克勤畢竟已56歲，為咗保護腰骨，佢都戴齊護腰上陣，做足安全措施。

為咗呢次演出克勤充份準備之餘亦做足安全措施