萬千星輝賀台慶｜57歲阮兆祥加入少團LOONG 9 台慶領軍與新一代限定演出歌舞

阮兆祥 曾經喺綜藝節目《福祿壽訓練學院》中，自組限定男團Kowloon，跳唱《亞洲超星團》主題曲《閃耀/Shining》，大放笑彈。喺嚟緊嘅台慶演出，祥仔終於有機會擺脫男團Kowloon，加盟LOONG 9，同成員冼靖峰(Archie)、黃奕斌(Hugo)、文佐匡(Sean)、仲有黃星綽(Hugo)、黃建東、劉倬昕(Sam)等一齊為台慶排舞。年屆57歲嘅祥師兄雖然跳到大汗疊細汗，但仲識得講笑，話流汗先係小伙子。面對咁快嘅舞步節奏，對祥師兄嚟講都係個考驗，佢笑指：「人哋男團訓練有素，我哋半途出家，雖然我哋底子、樣子、身形都似男團，我哋係Running old man。」

身旁嘅後輩東東都Sam都大讚祥師兄比佢哋兩位更快上手掌握舞步。今次能夠加入超星團及LOONG 9成員一齊玩轉舞台，拍住一班後生仔，祥師兄好開心可以將佢年齡拉低，令佢充滿活力。

同一班樂壇新力軍一齊載歌載舞，成個氣氛都充滿Energy，不過有祥師兄嘅加盟，佢哋幾位都話排練過程一啲都唔辛苦，反而充滿歡樂呀。