梁洛施分手李澤楷13年忽傳新緋聞 與張家輝好友馬浴柯北京咖啡館約會

近日有內地網友喺北京順義區偶遇 梁洛施 同內地演員 馬浴柯 現身一間咖啡店，兩人坐喺戶外露天座位，身穿厚外套並排而坐密密斟，期間言談甚歡，網友更聲稱目擊二人拖手離開﹐又問大家佢哋係咪拍拖，繼而喺網絡流傳兩人嘅緋聞。

內地有人於北京偶遇梁洛施同馬浴柯，更指兩人拖手離去
現年36歲嘅梁洛施同大9歲嘅馬浴柯，唯一嘅共通點就係同影帝張家輝相熟，Isabella同張家輝去年合作電影《爆裂點》，而馬浴柯就演而優則導，近年同張家輝合作部電影《怒潮》同《重生》。其中《重生》更成為票房黑馬，內地狂收4.6億人民幣。
內地演員兼導演馬浴柯同張家輝因合作而成為好友

Isabella同家輝亦同樣非常好朋友

而 馬浴柯 童星出道，後來獨自一人勇闖北京發展，除咗相當有才華之外，出道幾十年來都零緋聞。而Isabella同超級富商李澤楷誕下三子後，2011年宣告和平分手，其後一直未有新戀情傳出，而網民上載嘅相片就未見所謂嘅拖手相，佢哋同行亦有唔少其他朋友，未知此次聚會係咪同馬浴柯傾合作計劃。

Isabella年前為富商李澤楷誕下三子，20110年兩人分手，到近年Isabella逐步復出

童星出身嘅馬洛柯近年演而優則導，成績不俗