異空感應丨陳曉華被從後箍頸險窒息 獲陳少邦讚有潛質做武打女星

外表柔弱斯文嘅 陳曉華 喺新劇《異空感應》中挑戰身手，喺第2集講述佢追捕殺死拍擋嘅 陳少邦 時，兩人就喺碼頭大打出手。

Hera追捕少邦時大打出手，更處於下峰
拍攝呢場打戲前，Hera同阿邦都細心聽武指指導，務求拍得逼真同順利，而一幕阿邦從後箍住Hera頸嘅鏡頭，Hera話有幾秒窒息感覺，阿邦都話拍呢場戲有壓力。
期間仲被少邦勒頸，Hera仲話真係有窒息感覺

正所謂拳腳無眼，拍打戲受傷就在所難免，Hera就話唔驚受傷，反而擔心影響拍攝進度。講到今次同Hera對打，阿邦就話打得好爽，因為Hera打得又被打得，佢仲讚Hera有潛質做武打女星，唔怪得受公司力捧。

雖然搞到成身傷痕，不過Hera依然樂在其中