林志玲步入半百之齡罕曬兒子近照 放下對年齡恐懼：望健康陪阿仔長大

台灣名模林志玲同老公AKIRA（黑澤良平）喺2019年結婚，婚後育有一子，林志玲定居日本，專心成為全職媽媽，只係間中出席商演活動，11月29號係林志玲生日，踏入半百之齡，今日喺IG罕曬阿仔近照，見林志玲盡騷Fit爆身材，狀態絕佳！

11月29號係林志玲生日，踏入半百之齡，今日喺IG罕曬阿仔近照。
林志玲依然高貴，美貌不減當年，佢亦放下對年齡嘅恐懼，「謝謝大家的祝福❤️今天，一如往常的穿梭在生活的細微末節裡～不知不覺，人生就這樣迎來了那個曾經用想象仍感到很遠的數字😳太快了」。

50歲林志玲盡騷Fit爆身材，狀態絕佳！
林志玲嘅生日願望就是希望自己健健康康咁陪阿仔長大，陪阿仔好好探索呢個精彩嘅世界，「不追求太難的快樂，知足珍惜所擁有的。用正向的心態及良好的生活習慣去支配自己的容顏，從容自在，優雅淡定」，做一個可以照亮自己照亮別人嘅女人。

林志玲嘅生日願望就是希望自己健健康康咁陪阿仔長大，陪阿仔好好探索呢個精彩嘅世界。
林志玲又感謝母親賦予生命，自己有認真咁活著，當成為人母之後，佢更從底層感受自己越嚟越完整，想同所有愛佢嘅人講聲感謝，謝謝大家陪伴與愛，謝謝大家平安又健康❤️。

fans對林志玲嘅凍齡術好有信心！
不少網民紛紛留言祝志玲姐姐生日快樂，又指林志玲阿仔大得好快，「一轉眼長那麼大啦 可愛的母子倆」、「兒子會不會再過10年長大後跟你看起來像姐弟」等，睇落fans對林志玲嘅凍齡術好有信心！