2025風生水起丨薛家燕驚桃花旺變花心 胡美貽被批來年紅鶯星動

薛家燕率領胡美貽、莊子鏇同徐文浩，仲有兩大堪輿學家麥玲玲同李丞責師傅，一齊參與節目《2025風生水起》，帶觀眾講吓蛇年運程，胡美貽同莊子鏇首次同家燕姐合作，迅速被家燕姐開心果魅力感染。
莊子鏇、薛家燕、徐文浩及胡美貽。麥玲玲
家燕姐將同各人落區派福袋，想大家一齊開開心心，徐文浩笑指係群情洶湧，自己主力係負責保護家燕姐，佢哋難得同玲玲師傅及李丞責師傅一齊做節目，大家趁機八卦吓新一年嘅運程！
李丞責
適逢2025係「雙春兼閏月」好年，屬狗嘅胡美貽被批來年紅鶯星動，家燕姐就驚自己桃花太多，叫自己唔好太花心，笑言怕自己多情過頭。
胡美貽桃花旺，明年喺感情上有突破。
眾多藝人參加過《風生水起》系列均有唔錯嘅發展，玲玲師傅批蛇年娛圈多戀情浮面，預測莊子鏇事業運更加強勁，嚟緊有好多唔同嘅發展；胡美貽本身桃花旺，喺感情上有突破，希望佢有啲好消息。李丞責師傅則帶觀眾走遍旺地，教觀眾唔同祈福方法趨吉避凶。
莊子鏇事業運會更強勁。