李居明租用嘉禾黃埔戲院復活新光 打造新光黃埔延續粵劇文化造福戲迷

屹立香港北角超過半世紀嘅地標新光戲院喺早前3月3日結業，凌晨時份正式熄燈落幕，昔日一遍璀璨霓虹隨住新光不再而消失，令街道都變得黯然失色，喺新光結業當晚有不少戲迷同街坊前往送別。新光戲院大劇場主席李居明喺當晚亦在場主持熄燈儀式作告別，一眾戲迷對新光嘅完結都感到失落，慨嘆損失咗個咁有歷史性嘅地方。

事隔一個月左右，新光突然有轉機，喺呢段電影業冰河時期，相繼有兩間戲院結業，其中嘅嘉禾黃埔連日傳出由李居明成功租賃嘉禾黃埔戲院用地，並計劃建造「新光黃埔」電影娛樂文化新地標，好大機會今年暑假6月正式開幕，消息對於廣大巿民及一眾粵劇迷來講可以話一大喜訊。

事件終於獲得證實，新光戲院行政總裁黎鑑鋒向傳媒確認，李居明已租咗嘉禾黃埔戲院用地，和記地產4月3日亦發出新聞稿，證實李居明租用黃埔天地近50,000呎戲院用地，將會打造「新光黃埔」電影娛樂文化新地標。