戀愛真人騷《女神配對計劃》播至今話題性十足，五位女神究竟情歸何處？真係未到最後一刻都充滿住變數！日前幾位求愛勇士再次出動同女神一齊玩遊戲，繼上次嘅「吹啤牌」遊戲後，下個遊戲就輪到佢地分組玩「扑傻瓜」。
葉蒨文 呢邊就派出曾展望（GM）對戰林堡熙（Eddie），兩人情敵見面份外眼紅，趁住大家都蒙住眼玩遊戲亦落足力打，睇到女神「哇哇聲」。不過Sophie上陣時，Eddie立刻收起火氣，動作小心得多！事後GM更向Eddie挑機，表示：「可以大力啲。」而Sophie 就話自己唔鍾意男仔玩遊戲時就住就住，Eddie亦表示自己係一個玩Game好投入嘅人。
myTV SUPER重溫《女神配對計劃》心動時刻
至於 關嘉敏 呢組同樣激烈，姜卓文（細John）同黃家俊（Mathew）火力全開，細John仲打到連支充氣棒都漏氣，Mathew不但冇嬲仲直呼好玩，覺得同細John不打不相識，連Carman都話覺得自己好似為兩位男士配對成功，更笑言唔覺得經過遊戲令三人更了解大家，反而係見到兩位男士更了解彼此。
《女神配對計劃》星期日晚 21:30 翡翠台