林憶蓮 巡迴演唱會澳門站日前圓滿落幕！呢次演唱會如同一場視聽同情感共振嘅音樂盛宴，場地更係呢次巡迴唯一一 嘅室內場館。
最令Sandy難忘同感動嘅，係演唱會中段當《至少還有你》前奏響起，全場觀眾自發跟唱，Sandy更被感動到幾度哽咽，含淚表示：「大家大合唱時佢有一種共嗚嘅力量，我覺得《至少還有你》好犀利，一齊唱嘅果種感動同震撼，好多謝你哋。」
Sandy覺得，演唱會令佢有一種好微妙嘅感覺，好似同大家識咗好耐，而每次演唱會，亦會見到一啲熟悉面孔，好似彼此睇住對方成長，所以每次同大家一齊唱歌，歌曲入面就滿載一齊成長嘅回憶，亦希望自己嘅歌曲可以陪住大家度過困難、孤單時刻。 最後Sandy喺熱烈歡呼聲同encore呼喊聲中重返舞台，為大家帶嚟一連串經典金曲。演唱會結束後，樂迷遲遲未肯離場，Sandy喺歌迷熱情下，再次進行兩度encore，唱出《再見悲哀》為澳門站寫上圓滿句號。
