多位嘉賓應邀擔任今年港姐競選評審工作，好似 任達華 同 余安安 就對競逐最上鏡小姐佳麗表現各有唔同標準，華哥就大讚得主李尹嫣既有自信亦有真誠眼神，更認為佢將會成為一名傑出演員呀，而安安姐就指非常喜歡Victoria嘅笑容。
身為港姐大師姐嘅 鄺美雲 就成為壓軸嘉賓，為大家演唱歌曲亦一睹小師妹表現，雖然已係40多年前往事，不過仍希望各位佳麗都享受參選呢個人生難得過程呀。至於打頭陣帶領14位佳麗出場嘅 張敬軒 ，就大讚佳麗之餘又指自己非常專注唱歌，未有被俾佢拖勻嘅靚女搞到分心喎。
李治廷 同 衛蘭 亦於唔同環節參與表演，仲指佳麗嘅氣質既陽光又充滿自信，仲喺後台為大家打氣，仲希望有更多機會為香港觀眾表現呀。Janice就指舞台華麗，選美期間嘅ai華面更非常驚艷呀。
資深甘草演員黎宣上月28號離世，前年曾代表香港演藝人協會同對方見面頒發傑出獎嘅 余安安，收到消息都覺得非常婉惜，指對方一直以歡愉心情生活，非常正面。
