獨家・聲秀丨12強晉身9強歌手助力戰 戴祖儀激發胡子貝情感演繹

全新音樂選秀節目《聲秀》賽程進入大直路，將會展開12強晉身9強嘅進程，賽事安排專業歌手助唱，分成兩集播出「歌手助力戰」，身邊有哥哥姐姐幫手助力，學員們都有超水準表現。講到變化最大嘅應該係胡子貝，佢一向都被人話無表情，不過喺戴祖儀帶領下，子貝完全投入歌曲意境，連作為導師嘅蘇永康都相當滿意，大讚兩人感情掌握得好好。子貝感激Joey幫忙同指導，Joey就大讚子貝眼神同樣貎都好靚，所以對住靚樣做感情戲就更易投入。

善長唱搖滴嘅穎喬就有布志綸助唱之外，兩人仲拎埋結他一齊彈奏，完全係炸爆全場。陳卓怡同張馳豪唱跳《一事無成》出戰，兩人仲加入合拍嘅舞步，同樣成為焦點。另外布子殷換上全新金髮，由冼靖峰帶領獻唱《時候不早》，可謂脫胎換骨。