為咗同幾位老best相敍食好西，可以去到幾盡？毛舜筠為咗與鍾慧冰、江欣燕、林建明等一年一度同嘅蟹宴約會，頂住坐骨神經痛去赴約。
一直都有堅持做運動嘅Mo姐，表示自己最近受坐骨神經痛困擾，所以即使自己同幾位老Best聚會，佢都要set定鬧鐘提醒自己，每半個鐘就要起身行一陣，Mo姐喺帖文中寫道：「唔知大家有冇試過『坐骨神經痛』？一直都堅持做運動的我，也不幸地痛了差不多兩個星期😔 雖然如此，也不能阻擋我和姊妹們一年一度在 #个園竹語 的蟹宴。我乖乖的set 好alarm，席間每半小時我便起來行5分鐘，加上姊妹們帶給我的歡樂，整餐飯竟然完全沒有痛過！🙏🏻」
由於今次蟹宴除咗大閘蟹外，佢哋仲食咗唔少好西，而為咗令網民了解到每一道菜係咩，Mo姐就仿效 阿姐汪明荃 早年嘅 汪阿tag，喺每張相上加上菜名，相當貼心呀！
