王鎮泉 Jeoffrey 每星期為觀眾提供最熱辣電影資訊，中外猛片專訪花絮上映時間全部集齊，TVB娛樂新聞台嘅「電影泉攻略」個個星期陪你睇新戲。
近年越嚟越多電子遊戲電影化，最近又有一個遊戲宣布要拍成電影，就係《地平線》（Horizon Zero Dawn）喇！本身只係計劃拍攝影集，故事圍繞女主角Aloy，不過遊戲商最後決定製作成電影，預計2026年開拍、2027年上映。
睇過《阿凡達》嘅朋友都會驚嘆入面嘅角色雖然好似CG，但動作演技都令人驚艷，一切全因「動作捕捉技術」，由專業演員演出完成。《阿凡達》其中一個女主角Zoë Saldaña就話，導演占士金馬倫已經構思緊拍一部關於《阿凡達》動作捕捉嘅紀錄片，仲希望外界重視呢個行業。
新片速遞：
《96分鐘》：⼀場震驚全台嘅炸彈攻擊案，以無辜死傷悲劇收場，拆彈專家宋康任從此⼀蹶不振退出前線。三年後，佢同刑警妻⼦黃欣搭上台北直達⾼雄、僅需96分鐘嘅⾼鐵列⾞，點知喺途中接獲前上司李傑傳嚟嘅警告──列⾞上藏有炸彈！
《G-DRAGON IN CINEMA [Übermensch]》：韓流傳奇Icon G-Dragon以世界巡迴個唱《ÜBERMENSCH》強勢回歸，一一喺大銀幕上呈現！從風摩全球嘅神曲到橫跨音樂生涯嘅史詩級歌單，加上華麗嘉賓助陣。全方位感受G-Dragon最原始嘅爆發力、炙熱嘅舞台魅力。
《暴蜂尼克》：一家大公司嘅CEO被兩個年輕人綁架，全因兩個年輕人沉迷陰謀論，深信佢係外星人，意圖摧毀地球。
本周票房龍虎榜截至10月29號中午，第一位《劇場版『鏈鋸人蕾潔篇』》；第二位《迷宮裡的魔術師》；第三位《創戰記：戰神降臨》。
