從事演藝圈多年，歷任演員、導演甚至管理層嘅 馮淬帆 近年已踏入退休狀態，去年曾參與台灣恐怖電影《鬼們之蝴蝶大廈》成為遺作。被稱為緊哥嘅佢，80、90年代因為《五福星》同《最佳損友》系列而深入民心，不過佢曾認為搞笑作品係事業上嘅污點。
緊哥2016年接拍《刑警兄弟》，與 黃宗澤 扮演父子，再現佢嘅搞笑本色，而佢早前接受相識數十年嘅楊紹雄訪問時，就指《癲佬正傳》以及《愛的逃兵》係最滿意作品。
緊哥喺《癲佬正傳》中突破喜劇框架，飾演社工角色，竭力協助精神病患者，以細膩沉穩演技刻畫角色嘅無助同掙扎。而《愛的逃兵》當中則重返輕鬆路線，與譚詠麟、張曼玉等合作，角色生動自然。
