陳惠敏、李龍基、梁小龍、劉永同火星日前出席活動，久未喺香港露面嘅梁小龍，今次專程返港，佢透露自己永不言休係因為屋租好貴，仲有2個小朋友喺海外讀書，所以自己要鍛鍊好身體不停搵食，亦祝大家身體健康。
劉永同前妻黎燕珊嘅囡囡劉詠詩，喺6月嘅時候舉行婚宴暨弄瓦喜酒，不過劉永就冇出席。劉永解釋，因為自己有工作在身而去唔到，不過私下有向囡囡送祝福，亦會約食飯。劉永表示，自己仍然工作，係因為工作令人有活力，唔會因為冇嘢做而悶。
基哥嘅工作做到冇停手，今年不停到海外出騷，會下粉絲之餘仲可以賺錢，佢亦預告喺聖誕節檔期會去澳洲登台搵真銀！
