蔡思韵 同 劉俊謙 上月14號突然宣布經已喺日本註冊結婚喜訊，相隔半個月，Cecilia首度以劉太身份出席活動，現身台北為主演嘅電影宣傳。戲中嘅拍檔，身為三孩之父嘅 楊祐寧 祝Cecilia「早生貴子！」Cecilia就笑言「目前還沒這個計劃啦！過幾年再問我吧！」
Cecilia大方透露老公一年前求婚一刻，仲話當時有啲嬲：「他有下跪，但我那天剛運動完素顏很醜，還穿運動裝，所以有點小生氣，應該要挑我有化妝的日子吧，但還是很驚喜跟感動。」兩人並未刻意擇吉日結婚，主要係配合教堂而定時間。
被問到榮升為劉太心情時？佢話仲係適應當中，又改口叫男友做「老公」。婚後夫婦各有各忙工作，自己辦完婚禮後就飛韓國拍戲。至於度蜜月就暫時未有計劃，但希望可以去歐洲度蜜月玩足一個月。
