台慶劇《新聞女王2》已經鐵定將於11月10號再起風雲，而一眾演員已經開始投入一系列宣傳，早前更齊集拍攝時裝版本嘅海報，當中 佘詩曼 再次化身「Man姐」，一埋位懾人氣場已經自然散發出嚟喇。
Man姐將會轉往網台發展，佢亦提到連性格上都有一定轉變。阿佘話唔少朋友投入「Open Platform」都係抱住一胝熱誠，為新聞同公義奮鬥，所以都會以關懷嘅角度同大家並肩。至於 劉艷 王敏奕 就會同Man姐一齊喺新聞戰場作戰，亦由第一輯嘅新鮮人進化成為經驗豐富嘅新聞人喇。Venus指新一輯各方面都有所成長，繼續保持初心之餘，各個角色都有更感性一面會出現。
譚俊彥 亦會繼續於Man姐需要時現身，佢仲指兩人關係會更為昇華，仲會共同解決唔少問題。而喺第一輯被Man姐自SNK辭退嘅 陳曉華 今次就會以另一種身份回歸，仲會鬧爆Man姐，不過同本身性格大不同，搞到Hera話係一大挑戰喇。
《新聞女王2》11月10號起 20:30 翡翠台