張馳豪 方玉亨 盧信宥 同組合 XiX 一齊出席商場活動，獲大批粉絲捧場，喺人群當中，仲見到張繼聰 同 謝安琪 兩夫婦嘅蹤影，原來佢哋係嚟捧囡囡張靖場，因為囡囡有份參與跳舞演出。
Aska近排忙於為新劇《飛常日誌2》開工，佢話好榮幸參與演出，加上實景拍攝，令佢踏足機場唔少地方。劇中同洪永城及戴祖儀較多對手戲，佢指有Joey在場就永無悶場，而Tony就不停同佢哋傾談富哲理嘅人生道理。
方玉亨參與完選秀節目《亞洲超星團》之後，就飛到韓國參加另一個選秀節目，佢話過程中獲益良多，仲學識珍惜跟家人同朋友相處嘅時間。盧信宥透露將會推出新歌，十一月中會喺馬來西亞同香港舉行宣傳活動。
女團XiX三缺一亮相，佢哋話隊友Kiele將於聖誕節返港，屆時就可以齊人上陣。講到萬聖節會扮咩造型，佢哋就異口同聲話要扮恩師Eric Kwok，仲形容出Eric Kwok平日嘅神緒，話咁樣扮先似。
