唔少觀眾都極之期待嘅台慶劇《新聞女王2》宣佈將於下周一(10號)起首播，呢日 Man姐 佘詩曼 乘坐採訪車現身，再步上主播枱正式公開新劇播出時間，同劇中演員齊齊造勢。
新一輯中，阿佘除咗繼續周旋於新聞戰場之外，佢同 譚俊彥 仲有 何廣沛 嘅關係亦有唔少變化，佢就以「昇華」作形容，Matthew仲指幕後同事睇完當中一幕有極大迴響，非常甜蜜咁話。
而上一輯被Man姐炒魷嘅 陳曉華 ，今次唔止以另一身份回歸故事，仲處處針對昔日仇敵。至於 王敏奕 就繼續同 吳業坤 齊上齊落，仲有Man姐同一陣線打天下。
視 許紹雄 如父親一樣嘅 阿佘 早前因對方離世而非常傷心，呢日佢提到Benz哥後事安排，仍然非常落寞，佢仲指有同Benz家人聯絡商量。
《新聞女王2》11月10號起 20:30 翡翠台