1994年參加新秀獲冠軍入行嘅 海俊傑 ，星期六晚突然聲淚俱下於社交平台拍片，呼籲外界捐款救急，為其太太換肝提供協助。
海仔淚崩哭稱，化妝師太太 莫家慈 患有急性肝硬化，早前留醫香港瑪麗醫院治療20日，後轉介到廣州中山大學附屬第一醫院。醫生指未來兩日係肝臟移植關鍵時刻，而手術費需要150萬港精，各方好友已分別提供70萬，即手剩仍欠80萬款項，佢懇求各位伸出援手，幫得幾多得幾多。
海俊傑與莫家慈2012年於北京工作時結緣，兩人拍拖5年後，2017年3月於澳洲墨爾本舉行婚禮，9月返港補辦婚宴。
海仔新秀出道，後來加入TVB拍攝唔少作品，首部參與嘅係1995年嘅《總有出頭天》，後來逐漸開展內地市場，到2020年重返TVB參演《法證先鋒IV》，又同李施嬅合唱插曲《二次緣》。之後又演出《逆天奇案》、《把關者們》、《十月初五的月光》、《法言人》、《逆天奇案2》等多部TVB劇集，周前亦同關嘉敏現身內地短劇發佈會。
